ជនរងគ្រោះមានឈ្មោះ Le Thi Xoan អាយុ២៤ឆ្នាំ នៅប្រទេសវៀតណាម។ បានឆក់ឆ្នាំងសាកទូរសព្ទ iPhoneបណ្ដាលឲ្យស្លាប់ភ្លាមៗ ដោយមិនអាចជួយសង្គ្រោះបានឡើយ។។ ប៉ូលិសបាននិយាយថា តាមការសន្និដ្ឋាន បុរសរូបនេះ បានដោតឆ្នាំងសាកទូរសព្ទ iPhone រួចក៏គេនៅជិតឆ្នាំងសាកនោះ។ ខណៈដែលឆ្នាំងសាកដាច់រលាត់ ចេញសរសៃមកក្រៅទៅហើយ ប្រហែលជានាងប៉ះចំសរសៃចម្លងអគ្គិសនីនោះ ទើបបណ្ដាលឲ្យឆក់ស្លាប់។
ម្ដាយឪពុក បានប្រទះឃើញបុរសរងគ្រោះបាត់ស្មារតីទៅហើយ ក៏ប្រញាប់យកទៅមន្ទីរពេទ្យ ប៉ុន្តែមិនអាចជួយសង្គ្រោះអ្វីបានឡើយ។ វេជ្ជបណ្ឌិតក៏អះអាងដែរថា នាងបានស្លាប់ដោយសារឆក់អគ្គិសនីយ៉ាងពិតប្រាកដ។
តាមភស្តុតាងដែលរកឃើញ គឺឆ្នាំងសាក iPhone នោះ ត្រូវបាននាងយកស្គុតមករុំត្រង់កន្លែងដាច់រលាត់ដែរ ទំនងជាខ្លាចឆក់ ប៉ុន្តែនៅតែបន្តប្រើប្រាស់ទៀត។ គេនៅមិនទាន់អាចសន្និដ្ឋានបានថា តើឆ្នាំងសាកនោះ ជារបស់ដើមក្រុមហ៊ុនពិតប្រាកដ ឬចម្លងនោះទេ។ ប៉ុន្តែពេលយកទៅធៀបជាមួយ ឆ្នាំងសាកដើម ឃើញថាខ្លីជាងប្រហែល ២០អ៊ីញ។ អ្នកជំនាញ បានប្រាប់ឲ្យអ្នកប្រើប្រាស់ទាំងអស់ មានការប្រុងប្រយ័ត្នខ្ពស់៕
