រាជធានីភ្នំពេញ ៖ រូបថតឱបកៀកកើយគ្នារវាងថៅកែផលិតកម្ម និងតួស្រីបានបែកធ្លាយនៅតាមហ្វេសប៊ុកនាពេលថ្មីៗកន្លងមក។ រូបភាពទាំងនោះធ្វើឱ្យមានចម្ងល់ដោយខ្លះឆ្ងល់ថា តើអ្នកទាំងពីរទៅកៀកកើយគ្នានៅកន្លែងស្ងាត់ហើយគេលួចថតបានឬយ៉ាងណា?
តារាសម្ដែងថ្មីកញ្ញា ណា ថាយ៉ា លះបង់កាយច្រើនដើម្បីសិល្បៈរហូតហ៊ានសម្ដែងជាមួយថៅកែផលិតកម្មក្នុងឈុតស្រើបស្រាលទៀតផង។ រូបភាពស្រើបស្រាលទាំងនោះបានលេចឡើងតាមហ្វេសប៊ុក។
គេមិនដឹងថា ការទាក់ទងនៅខាងក្រៅរង្វង់សិល្បៈរវាងតារាសម្ដែងនាងណាថាយ៉ា និងម្ចាស់ផលិតកម្មបដិហារ្យស៊ីជម្រៅបែបណាទេប៉ុន្ដែយោងតាមរូបថតប៉ុន្មានសន្លឹកដែលបែកធ្លាយនោះគេសង្ស័យជារឿងស្នេហា។
កាលពីពេលថ្មីៗកន្លងមកនេះ ភាគីខាងប្រុសបានអះអាងថា វាមិនដូចអ្វីដែលមានការយល់ច្រឡំនោះទេ។ លោកស៊ុម ភារិន ម្ចាស់ផលិតកម្មបដិហារ្យនិយាយថា «នោះជារូបភាពក្នុងការសម្ដែងប៉ុណ្ណោះ។
តារាសម្ដែងសិចស៊ី នាងណាថាយ៉ា ត្រូវបានជ្រើសឱ្យសម្ដែងជាតួឆ្នាស និងសិចស៊ីក្នុងរឿង «រាជិនី» ដែលគ្រោងនឹងដាក់បញ្ចាំងនៅតាមរោងកុននាពេលខាងមុខ ហើយដោយក្នុងរឿងនោះខ្ញុំក៏បានរួមសម្ដែងជាតួអង្គមួយមានការទាក់ទងស្នេហាជាមួយនាងផង ទើបខ្ញុំ និងនាងត្រូវសម្ដែងឈុតរួមស្នេហ៍នៅឯមាត់ជ្រោះ ។ រូបនោះក្រោយមកបែកធ្លាយធ្វើឱ្យមានការយល់ច្រឡំ ។ រូបថតដែលត្រូវគេបង្ហោះនោះ មិនមែនជារូបភាពកៀកកើយដូចការយល់ច្រឡំទេ ។ រវាងខ្ញុំនិងតារាសម្ដែងនាងណាថាយ៉ា មិនលើសពីមេកើយ និងកូនចៅទេ ។
